Paris-2024: Stadnikin mübarizə apardığı çəkidə finala yüksələn idmançı diskvalifikasiya edilib

Hindistanlı qadın güləşçi Vineş Phoqat (50 kq) Fransanın paytaxtı Parisdə keçirilən Yay Olimpiya Oyunlarında diskvalifikasiya edilib.

"Report" xəbər verir ki, bu barədə Hindistanın olimpiya komandasının rəsmi "X" hesabı məlumat yayıb.

İdmançı 100 qram artıq çəkiyə görə cəzalanıb.

O, bu gün finalda ABŞ güləşçisi Sara Hildebrandt ilə qarşılaşmalı idi. Lakin rəqibə qızıl, Phoqata gümüş medal veriləcək.

Xatırladaq ki, 50 kq çəkidə Azərbaycan təmsilçisi Mariya Stadnik də çıxış edib. 1/4 final mərhələsində məğlub olan titullu idmançı yarışı medalsız başa vurub.

Qeyd edək ki, Paris-2024 avqustun 11-də başa çatacaq.