Avrokuboklarda ən çox qol vuran afrikalı futbolçular açıqlanıb

Beynəlxalq Futbol Tarixi və Statistikaları Federasiyası (İFFHS) avrokuboklarda ən çox qol vuran afrikalı futbolçuların siyahısını açıqlayıb.

“QELEBE.AZ” İFFHS-in rəsmi saytına istinadən xəbər verir ki, siyahıya ən az 29 qol vurmuş 9 futbolçu daxil edilib.

Onların qitənin müxtəlif turnirlərinin həm təsnifat, həm də əsas mərhələlərində vurduqları bütün qollar nəzərə alınıb.

Siyahıya “Liverpul”un hücumçusu Məhəmməd Salah başçılıq edir. Misirli forvard Çempionlar Liqasının qrup mərhələsinin V turunda “Ayaks”la oyunda fərqlənməklə avrokuboklarda ümumilikdə 51-ci qoluna imza atıb.

2013-cü ildə avrokuboklarda debüt edən Salah qollarının 7-ni “Bazel”, 1-ni “Fiorentina”, 3-nü “Roma”, 40-nı isə “Liverpul”un heyətində vurub.

O, bu nəticə ilə Fil Dişi Sahili yığmasının sabiq hücumçusu Didye Droqbanı geridə qoyub. “Çelsi”, “Marsel” və “Qalatasaray”ın heyətində qitənin ən nüfuzlu turnirində çıxış etmiş futbolçu ümumilikdə 50 qol vurub.

“İlk üçlüy”ü kamerunlu Samuel Eto`o qapayır. 1999-2015-ci illərdə avrokuboklarda çıxış etmiş forvard 48 dəfə rəqiblərini məyus edib.

	Futbolçu	Dövr	Ölkəsi	Qollar	ÇL-T	ÇL	AL-T	AL	KK	İT	SK	Oyun sayı
1	Məhəmməd Salah	2013-	Misir	51	4	42		5				115
2	Didye Droqba	2003-2015	Fil Dişi Sahili	50		44		6				102
3	Samuel Eto'o	1999-2015	Kamerun	48	3	30	5	10				113
4	Pyer-Emerik Obameyanq	2009-	Qabon	42		17	3	24				92
5	Corc Vea	1988-2000	Liberiya	35	1	13		13	8			62
6	Sadio Mane	2013-	Seneqal	35		27	2	4			2	82
7	Benni Makkarti	1997-2008	Cənubi Afrika	32		9		15		8		76
8	Frederik Kanute	1997-2012	Mali	31	2	7	1	19		1	1	70
9	Seydu Dumbiya	2008-2018	Fil Dişi Sahili	29	4	15	4	6				50

Abbreviaturalar:
ÇL = Çempionlar Liqası
ÇL-T = Çempionlar Liqası, təsnifat
AL = Avropa Liqası
AL-T = Avropa Liqası, təsnifat
KK = Kuboklar Kuboku
İT = İntertoto Kuboku
SK = Super Kubok