İnzaqi A Seriyasında ən çox maaş alan baş məşqçi olacaq

"İnter"in baş məşqçisi Simone İnzaqi İtaliya A Seriyasında ən çox maaş alan mütəxəssis olacaq.

"Report" xəbər verir ki, bu barədə "Sky Sport" nəşri məlumat yayıb.

Milan təmsilçisi onun müqaviləsinin müddətini 2026-cı ilin yayınadək uzadacaq. Baş məşqçinin məvacibi bir mövsüm üçün 6,5 milyon avro olacaq. Bura əlavə bonuslar daxil deyil. İnzaqi bu göstəricidə "Napoli"də işləyən Antonio Konteni keçəcək.

Qeyd edək ki, Simone İnzaqi 2021-ci ildən "İnter"ə rəhbərlik edir. Komanda 2023/2024 mövsümündə onun rəhbərliyi altında İtaliya çempionu olub. Bundan əlavə, mütəxəssis Milan klubu ilə iki dəfə ölkə kubokunu, üç dəfə isə Superkubokunu qazanıb.