UEFA Avropa Liqasının finalçıları məlum olub
https://qelebe.az//uploads/photo/uefa-avropa-liqasinin-finalchilari-melum-olub.webp
UEFA Avropa Liqasının 1/2 finalının ikinci matçında Almaniyanın "Bayer" və İtaliyanın "Roma" komandaları qarşılaşıblar.
“Report” xəbər verir ki, komandalar Almaniyanın Leverkuzen şəhərindəki "Bay Arena" stadionunda oynayıblar. Oyun 2:2 hesabı ilə başa çatıb.
Qeyd edək ki, yarımfinalın ilk oyununda "Bayer" 2:0 hesabı ilə qalib gəlib. Beləliklə, iki görüşün yekununa görə "Bayer" Avropa Liqasının finalına çıxıb.
"Atalanta" isə İtaliyada Fransanın "Marsel" komandasını qəbul edib. Qarşılaşma meydan sahiblərinin 3:0 hesablı qələbəsi ilə başa çatıb.
Birinci qarşılaşmada 1:1 hesablı qeydə alındığı üçün Berqamo təmsilçi adını finala yazdırıb.
Beləliklə, "Atalanta" və "Bayer" Avropa Liqasının 2023/2024-cü illər mövsümünün finalında oynayacaq. Final oyunu mayın 22-də İrlandiyanın Dublin şəhərində keçiriləcək. Matç "Aviva" stadionunda baş tutacaq.
