Karlo Ançelotti türkiyəli futbolçuya başqa kluba keçməyi məsləhət görüb

İspaniya təmsilçisi “Real”ın türkiyəli futbolçusu Arda Gülər icarə əsasında başqa kluba keçə bilər.

“Report” xarici mətbuata istinadən xəbər verir ki, “Kral klubu”nun baş məşqçisi Karlo Ançelotti 19 yaşlı yarımmüdafiəçiyə əsas heyətdə oynaya biləcəyi komandaya keçməyi məsləhət görüb.

Arda Gülər 2023-cü ilin yayında Madrid təmsilçisinə transfer olunub.

Qeyd edək ki, Türkiyə millisinin üzvü cari mövsüm “Real”ın heyətində 7 oyuna çıxıb və 1 qol vurub. Onun klubla müqavilə müddəti 2029-cu ilin iyununa kimi nəzərdə tutulub.