“Kəpəz”in futbolçusu Azərbaycan çempionatlarında 200-cü oyununu keçirib
https://qelebe.az//uploads/photo/kepezin-futbolchusu-azerbaycan-chempionatlarinda-200-cu-oyununu-kechirib.webp
“Kəpəz” klubunun futbolçusu Amil Yunanov Azərbaycan çempionatlarında 200-cü oyununu keçirib.
“QELEBE.AZ” Peşəkar Futbol Liqasının rəsmi saytına istinadən xəbər verir ki, 31 yaşlı hücumçunun yubileyi Azərbaycan Premyer Liqasının XXX turuna təsadüf edib.
O, “Səbail”lə səfər matçında (3:3) şans qazanıb. Amil 200 oyunda 52 qola imza atıb.
Onun debütü 2010/11 mövsümündə “Qəbələ”nin heyətində gerçəkləşib. Yunanov ilk klubunda 7 (1 qol), “Sumqayıt”da 91 (28 qol), “Şamaxı”da 61 (14 qol), “Səbail”də 29 (6 qol), “Kəpəz”də 12 (3 qol) oyun keçirib.
