Mahir Emrelinin komandası PAOK-un qonağı olacaq, "Fənərbağça" “Yunion”u qəbul edəcək
https://qelebe.az//uploads/photo/mahir-emrelinin-komandasi-paok-un-qonagi-olacaq-fenerbagcha-yunionu-qebul-edecek.webp
Azərbaycan millisinin futbolçusu Mahir Emrelinin çıxış etdiyi Xorvatiyanın "Dinamo" klubu UEFA Konfrans Liqasında növbəti matçını bu gün keçirəcək.
"Report"un məlumatına görə, Zaqreb təmsilçisi Yunanıstanda PAOK-un qonağı olacaq.
Qarşılaşma Bakı vaxtı ilə saat 21:45-də başlayacaq. "Dinamo" ilk görüşdə rəqibini 2:0 hesabı ilə üstələyib.
Türkiyənin "Fənərbağça" klubu isə Belçikanın “Yunion” kollektivini qəbul edəcək. Komanda ilk görüşdə inamlı qələbə qazanıb - 3:0. İstanbuldakı cavab oyunu saat 21:45-də start götürəcək.
