Əliyar Ağayevin avrokubok oyunundakı idarəçiliyinə fransalı hakim-inspektor qiymət verəcək

Azərbaycanın FIFA referisi Əliyar Ağayevin idarə edəcəyi UEFA Konfrans Liqasının pley-off mərhələsinin “Ludoqorets” (Bolqarıstan) - “Servett” (İsveçrə) oyununun digər təyinatları müəyyənləşib.

"QELEBE.AZ"un məlumatına görə, cavab qarşılaşmasının VAR hakimi Türkiyədən olan Alper Ulusoydur.

Onun köməkçisi həmyerlisi Abdulkadir Bitigen olacaq. Matçın hakim-inspektoru funksiyasını isə Fredi Fautrel (Fransa) yerinə yetirəcək.

Qeyd edək ki, fevralın 22-də gerçəkləşəcək oyun Bakı vaxtı ilə saat 21:45-də start götürəcək. İsveçrədəki ilk görüşdə qolsuz heç-heçə qeydə alınıb.