Çempionlar Liqası: “Bavariya” məğlub olub, PSJ inamlı qələbə qazanıb

İtaliya təmsilçisi “Latsio” Çempionlar Liqasının 1/8 final mərhələsinin ilk oyununda Almaniyanın “Bavariya” klubuna 1:0 hesabı ilə qalib gəlib.

“QELEBE.AZ” xəbər verir ki, görüş İtaliyada baş tutub.

Oyunda yeganə qolu 69-cu dəqiqədə Çiro İmmobile penaltidən vurub.

Günün digər oyununda İspaniyanın “Real Sosyedad” klubu Fransada PSJ-yə 2:0 hesabı ilə yenilib.

Paris klubunun qollarını Kilian Mbappe (58-ci dəqiqə) və Bradli Barkola (70-ci dəqiqə) vurublar.

Cavab qarşılaşmaları martın 5-də müvafiq olaraq Münxen və San-Sebastyan şəhərlərində baş tutacaq.