“Bayer 04” klubu tarixi rekorda imza atıb

Almaniyanın “Bayer 04” klubu tarixi rekorda imza atıb.

“Report”un məlumatına görə, leverkuzenlilər məğlubiyyətsizlik seriyasını 30 oyuna çatdırmaqla klub rekordunu yeniləyiblər.

Xabi Alonsonun yetirmələri son olaraq Almaniya Kubokunun 1/4 final mərhələsində “Ştutqart”a 3:2 hesabı ilə qalib gəliblər. Bu, “Bayer 04”ün son 8 görüşdə 7-ci qələbəsidir.

Qeyd edək ki, “Bayer 04” növbəti matçını fevralın 10-da keçirəcək. Komanda həmin gün Bundesliqanın XXI turunda “Bavariya” ilə üz-üzə gələcək.