Braziliya millisinin futbolçusu Səudiyyə Ərəbistanı klubuna keçib

Braziliya millisinin futbolçusu Renan Lodi Səudiyyə Ərəbistanı təmsilçisi “Əl-Hilal”a keçib.

“Report”un klubun mətbuat xidmətinə istinadən məlumatına görə, Fransa “Marsel”i müdafiəçisini satmağa razılıq verib.

Transfer “Əl-Hilal”a 23 milyon avroya başa gəlib. 25 yaşlı sol cinah oyunçusu yeni komandası ilə 3,5 illik müqavilə bağlayıb.

Qeyd edək ki, Renan Lodi bu mövsüm “Marsel”in heyətində bütün turnirlərdə 23 oyun keçirib.