Meksika 2036-cı ildəki olimpiadaya ev sahibliyi etmək təklifini geri çevirib

Meksika 2036-cı ildə keçiriləcək Yay Olimpiya Oyunlarına ev sahibliyi etmək təklifini geri çevirib.

"Report" "Relevo" nəşrinə istinadən xəbər verir ki, bu barədə ölkənin Milli Olimpiya Komitəsinin rəhbəri Mariya Xose Alkala açıqlamasında bildirib.

O, rəqabətin çox güclü olduğunu söyləyib: "Bu səbəbdən 2032-ci ildə gənclərin olimpiadasına ev sahibliyi etmək üçün namizədliyimizi irəli sürəcəyik. Bunun üçün əla imkanlarımız var".

Qeyd edək ki, Hindistan, Türkiyə, İndoneziya və Polşa 2036-cı ildəki olimpiadaya ev sahibliyi etmək niyyətindədir.