Toni Kroos karyerasını İtaliya A Seriyasında davam etdirə bilər
https://qelebe.az//uploads/photo/toni-kroos-karyerasini-italiya-a-seriyasinda-davam-etdire-biler.webp
İspaniyanın "Real" klubunun yarımmüdafiəçisi Toni Kroos karyerasını İtaliya A Seriyasında davam etdirə bilər.
"Report"un "Tribal Football"a istinadən məlumatına görə, futbolçu ilə "Yuventus" maraqlanır.
Turin klubunun rəhbərliyi almaniyalını qış "transfer pəncərəsi"ndə almaq istəyir. Yarımmüdafiəçinin "Real"la müqaviləsinin müddəti 2024-cü ilin yayına kimi nəzərdə tutulub. Kroosun transfer qiyməti 14 milyon avrodur.
Qeyd edək ki, 33 yaşlı futbolçu cari mövsümdə 18 oyuna çıxıb, 1 qol vurub, 6 məhsuldar ötürmə edib.
