La Liqa: "Real" "Vilyarreal"ı darmadağın edərək birinci pilləyə yüksəlib

İspaniya La Liqasının XVII turunda “Real” evdə “Vilyarreal”ı qəbul edib.

"QELEBE.AZ" xəbər verir ki, görüş meydan sahiblərinin böyükhesablı qələbəsi ilə yekunlaşıb.

Qarşılaşmanın 25-ci dəqiqəsində C.Bellingem hesabı açıb. 37-ci dəqiqədə Rodriqo fərqi artırıb. J.Morales 54-cü dəqiqədə qonaqların yeganə qolunun müəllifi olub.

Oyunun 64-cü dəqiqəsində B.Diaz fərqi artırıb. Görüşdə son nöqtəni isə L.Modriç qoyub - 4:1.

Qələbə sayəsində “Real” 42 xalla turnir cədvəlinin lideri olub. Qonaqlar isə 16 xalla 14-cü pillədə qərarlaşıblar.