İtaliyalı məşhur futbolçu karyerasını başa vurub

İtaliya millisinin və "Yuventus" klubunun sabiq futbolçusu Corco Kyellini karyerasını başa vurub.

"QELEBE.AZ" "Goal.com" saytına istinadən xəbər verir ki, 39 yaşlı müdafiəçi tezliklə qərarını rəsmən açıqlayacaq.

Qeyd edək ki, təcrübəli oyunçu son olaraq ABŞ-da "Los-Anceles" klubunun formasını geyinib. O, "Yuventus"la 9 dəfə A Seriyasının, 5 dəfə ölkə kubokunun qalibi olub. Kyellini 2021-ci ildə İtaliya yığması ilə Avropa çempionatında da qızıl medala sahib çıxıb.