İngiltərə Premyer Liqası: “Nottingem Forest” “Aston Villa”nın yenilməzlik seriyasına son qoyub

İngiltərə Premyer Liqasının 11-ci turunda “Nottingem Forest” “Aston Villa”nı qəbul edib.

“QELEBE.AZ” xəbər verir ki, Siti Qraundda baş tutan matçdan ev sahibləri üstün ayrılıblar.

Birinci hissədə bərabər mübarizə getsə də, “meşəçilər” ələ düşən yeganə imkanı maksimum dəyərləndirərək fasiləyə yollanıblar. İkinci hissə Birmingem təmsilçisi üçün yaxşı başlamayıb: 47-ci dəqiqədə “qırmızılar” hesab arasındakı fərqi artırıblar. Bununla da “Nottingem Forest” – “Aston Villa” oyunu ev sahiblərinin inamlı qələbəsi ilə başa çatıb.

Beləliklə, bu mövsüm çempionatın ilk "dördlüy"ünə meydan oxuyan Unai Emerinin yetirmələri cari turda 4-cü pilləyə yüksəlmək şanslarını itiriblər. Eyni zamanda, "qırmızılar" "aslanlar"ın 6 oyunluq yenilməzlik seriyasına da son qoyublar.

Qeyd edək ki, 11 oyundan sonra “Aston Villa” 22 xalla 5-ci pillədə qalıb. “Nottighem Forest” 13 xalla 12-ci pilləyə yüksəlib.