Premyer Liqa: Bu gün "Neftçi" "Qəbələ" ilə, "Zirə" isə "Sabah"la səfərdə qarşılaşacaq
https://qelebe.az//uploads/photo/premyer-liqa-bu-gun-neftchi-qebele-ile-zire-ise-sabahla-seferde-qarshilashacaq.webp
Bu gün Azərbaycan Premyer Liqasında XII tura yekun vurulacaq.
“Report”un məlumatına görə, son gündə iki oyun keçiriləcək.
Əvvəlcə “Neftçi” meydana çıxacaq. “Ağ-qaralar” autsayderlər zonasında qərarlaşan “Qəbələ”nin qonağı olacaq. Adrian Mutunun yetirmələri liderlər qrupundan daha da uzaq düşməmək üçün səfərdə mütləq qalib gəlməlidirlər.
Tur paytaxt derbisi ilə başa çatacaq. Uğursuz mövsüm keçirən “Sabah” əks qrafik cızaraq liderlər qrupunda yer alan “Zirə”ni qəbul edəcək. Rəşad Sadıqovun kollektivi liderliyi itirməmək üçün çətin səfər görüşündə hesabına 3 xal yazdırmalıdır.
Qeyd edək ki, turun əvvəlki oyunlarında "Səbail" "Turan Tovuz"u (2:1), "Qarabağ" "Kəpəz"i (7:1), "Sumqayıt" isə "Araz-Naxçıvan"ı (2:0) məğlub ediblər.
Premyer Liqa
XII tur
5 noyabr
16:00. “Qəbələ” – “Neftçi”
Baş hakim: Kamal Umudlu
Qəbələ şəhər stadionu
18:30. “Sabah” – “Zirə”
Baş hakim: Tural Qurbanov
“Bank Respublika Arena”
| N | Klublar | O | Q | H | M | T-F | X |
| 1 | Qarabağ | 12 | 7 | 2 | 3 | 28-11 | 23 |
| 2 | Zirə | 11 | 6 | 3 | 2 | 11-7 | 21 |
| 3 | Səbail | 12 | 6 | 3 | 3 | 21-18 | 21 |
| 4 | Araz-Naxçıvan | 12 | 6 | 2 | 4 | 15-13 | 20 |
| 5 | Sumqayıt | 12 | 5 | 3 | 4 | 12-13 | 18 |
| 6 | Neftçi | 11 | 4 | 3 | 4 | 11-10 | 15 |
| 7 | Turan Tovuz | 12 | 4 | 3 | 5 | 19-15 | 15 |
| 8 | Sabah | 11 | 3 | 4 | 4 | 15-14 | 13 |
| 9 | Qəbələ | 11 | 2 | 2 | 7 | 7-20 | 8 |
| 10 | Kəpəz | 12 | 1 | 3 | 8 | 6-24 | 6 |
Bombardirlər: Olavio Juninyo (“Qarabağ”) - 9 qol, Aleksandr Ramalinqom (“Səbail”) - 6 qol.
