Azərbaycanın MMA döyüşçüsü: "Rəqib səhvimdən istifadə edib qalib gəldi"

"Rəqib mənim səhvimdən istifadə edərək qalib gəldi".

"Report"un məlumatına görə, bunu "Rizin" Döyüş Federasiyasının Bakıda təşkil etdiyi "Landmark 7" turnirində cənubi koreyalı Kyun Pyu Kimə uduzan Tural Rəhimov deyib.

Azərbaycanın MMA döyüşçüsü rəqibdən güləş gözlədiyini, lakin onun zərbələrə üstünlük verdiyini söyləyib: "Bu çəkidə ilk dəfə mübarizə aparırdım. Amma bəhanə axtarmıram. Hər üslubda mübarizə aparmağa, onun sürprizlərinə hazır idim. Sadəcə, fikrimi cəmləyə bilmədim. Bu, mənim səhvim idi".