Canni De Byazi: “Komanda kimi inkişaf edirik”

“Komanda kimi inkişaf edirik”.

“QELEBE.AZ”un məlumatına görə, bunu Azərbaycan millisinin baş məşqçisi Canni De Byazi Avstriyaya qarşı keçiriləcək AVRO-2024-ün seçmə mərhələ oyunu ərəfəsində mətbuat konfransında deyib.

İtaliyalı mütəxəssis rəqibin güclü komanda olduğunu bildirib: “Çətin oyun olacaq. Avstriyanın bir neçə əsas oyunçusu olmayacaq. Amma yenə də yaxşı komandadır. Çox inkişaf ediblər, modern futbol oynayırlar. Onların Belçikaya məğlubiyyəti aldadıcı ola bilər. Bu rəqiblə səfərdəki görüşdə fərqli nəticə düşünürdüm, 1:4 uduzduq. Son 14 matçda 7 qələbə qazanmışıq. Sabah da yaxşı nəticə üçün çalışacağıq”.

Qeyd edək ki, oktyabrın 16-da Tofiq Bəhramov adına Respublika stadionunda keçiriləcək Azərbaycan – Avstriya oyunu saat 20:00-da başlayacaq.