Avstriya millisinin Bakıdakı oyundan əvvəl mətbuat konfransı və açıq məşqçi Vyanada olacaq
https://qelebe.az//uploads/photo/avstriya-millisinin-bakidaki-oyundan-evvel-metbuat-konfransi-ve-achiq-meshqchi-vyanada-olacaq.webp
AVRO-2024-ün seçmə mərhələsində keçiriləcək Azərbaycan - Avstriya matçından əvvəl mətbuat konfransı və açıq məşqlərin vaxtı bəlli olub.
"Report" AFFA-nın rəsmi saytına istinadən xəbər verir ki, Azərbaycan millisinin baş məşqçisi Canni De Byazi oktyabrın 15-də, saat 18:30-da görüşün baş tutacağı "Dalğa Arena"da media nümayəndələrinin qarşısına çıxacaq.
19:00-da isə yığmanın açıq məşqi gerçəkləşəcək.
Qonaqların baş məşqçisi Ralf Ranqnikin mətbuat konfransı isə Avstriyada olacaq. Almaniyalı mütəxəssis saat 12:15-də Vyanadakı "Ernst Happel" stadionunda jurnalistlərin suallarını cavablandıracaq. Açıq məşq isə saat 19:00-da eyni arenada reallaşacaq.
Qeyd edək ki, oktyabrın 16-da Tofiq Bəhramov adına Respublika stadionunda reallaşacaq oyun saat 20:00-da start götürəcək. Avstriya ötən gün Belçikaya evdə 2:3 hesabı ilə uduzub, Azərbaycan isə səfərdə Estoniyaya qalib gəlib - 2:0.
