De Brüyne "Mançester Siti"də yeni rekorda imza atıb

İngiltərənin “Mançester Siti” futbol komandasının yarımmüdafiəçisi Kevin De Brüyne ən çox məhsuldar ötürmə verməklə klubun rekordunu müəyyənləşdirib.

“Report”un məlumatına görə, bu barədə Premyer Liqanın rəsmi saytı xəbər verib.

İngiltərə çempionatının IX turunda “Mançester Siti” səfərdə “Sauthempton” üzərində 4:0 hesablıq darmadağınla qalib gəlib. Belçikalı bu oyunda 1 məhsuldar ötürmə edib və bununla da onun məhsuldar ötürmələrinin sayını 94-ə çatdırıb. Bu, komandanın tarixində ən yaxşı göstəricidir.

Bundan əvvəl rekord 93 məhsuldar ötürmə verən ispan David Silvaya məxsus idi.