Azərbaycan millisi bu gün toplaşır, Musa Qurbanlı birbaşa Estoniyaya yollanacaq

AVRO-2024-ün seçmə mərhələsində səfərdə Estoniya, evdə isə Avstriya yığması ilə qarşılaşacaq Azərbaycan millisinin üzvləri bu gün bir araya gələcəklər.

AFFA-nın mətbuat xidmətinin rəhbəri Elnur Məmmədlinin "Report"a verdiyi məlumata görə, futbolçular "Dalğa Arena"da hazırlıq keçəcəklər.

İsveçin “Yurqorden” klubundan komandaya cəlb edilən Musa Qurbanlı birbaşa Estoniyaya gedəcək. Digər legionerlərin hamısı sabah Bakıda məşqdə iştirak edəcəklər.

Milli oktyabrın 11-də, saat 15:00-da çarter reysi ilə səfərə yollanacaq və 14-də Vətənə qayıdacaq.

Qeyd edək ki, oktyabrın 13-də Estoniyanın qonağı olacaq yığma bundan üç gün sonra doğma meydanda Avstriyanı qəbul edəcək.