"Sabah" latviyalı basketbolçu ilə müqavilə imzalayıb

"Sabah" basketbol klubu heyətini yeni oyunçu ilə gücləndirib.

"Report" paytaxt təmsilçisinin rəsmi feysbuk səhifəsinə istinadən xəbər verir ki, 32 yaşlı latviyalı hücumçu Artyoms Butyankovsla 1 illik müqavilə imzalanıb.

O, karyerası ərzində Latviyanın “Valmiera”, “Ventspils”, “Betsafe Liepaya”, “VEF Riqa”, “Yurmala Feniks”, Niderlandın “Donar Qroningen” və İtaliyanın “Givova Scafati” klublarında çıxış edib.