AVRO-2024: Azərbaycan millisi Bakıda Belçika yığmasına məğlub olub - YENİLƏNİB-5

Futbol üzrə Azərbaycan millisi AVRO-2024-ün seçmə mərhələsində dördüncü oyununu keçirib.

“Report”un məlumatına görə, Canni De Byazinin baş məşqçisi olduğu kollektiv Bakıda Belçikanı qəbul edib.

“Dalğa Arena”da oynanılan qarşılaşma qonaqların 1:0 hesablı qələbəsi ilə bitib. Yeganə qola 38-ci dəqiqədə Yannik Karrasko imza atıb.

Qalibiyyət sayəsində xallarının sayını 10-a çatdıran belçikalılar F qrupunda liderliyə yüksəliblər. Azərbaycan yığması isə hesabındakı 1 xalla sonuncu yerdə qalıb.

Qeyd edək ki, Azərbaycan yığması sentyabrın 12-də eyni stadionda İordaniya ilə yoldaşlıq görüşü keçirəcək.

Azərbaycan və Belçika milliləri arasında “Dalğa Arena”da keçirilən AVRO-2024-ün seçmə mərhələsinin V tur oyununda ikinci hissə başlayıb.

“Report” xəbər verir ki, qarşılaşmada fasilə başa çatıb.

İlk yarıdan sonra qonaqlar 1:0 hesabı ilə öndədirlər.

Azərbaycan və Belçika milliləri arasında “Dalğa Arena”da keçirilən AVRO-2024-ün seçmə mərhələsinin V tur oyununda ilk hissə başa çatıb.

“Report” xəbər verir ki, qonaqlar fasiləyə 1:0 hesabı ilə öndə yollanıblar.

Qarşılaşmada hələlik yeganə qolun müəllifi Yannik Karraskodur.

Azərbaycan və Belçika milliləri arasında “Dalğa Arena”da keçirilən AVRO-2024-ün seçmə mərhələsinin V tur oyununda hesab açılıb.

“Report” xəbər verir ki, qonaq komanda 38-ci dəqiqədə fərqlənib.

Yarımmüdafiəçi Yannik Karrasko dəqiq zərbə ilə Azərbaycan yığmasını mərkəzə dəvət edib.

Belçika seçməsi hazırda 1:0 hesabı ilə öndədir.

Bakıda Azərbaycan və Belçika milliləri arasında AVRO-2024-ün seçmə mərhələsinin V tur oyunu başlayıb.

“Report” xəbər verir ki, qarşılaşma saat 17:00-da start götürüb.

Matçı serbiyalı Nenad Minakoviçin rəhbərlik etdiyi hakimlər briqadası idarə edir.

AVRO-2024-ün seçmə mərhələsinin V turunda üz-üzə gələcək Azərbaycan və Belçika millilərinin start heyətləri bəlli olub.

“Report” xəbər verir ki, komandalar meydana aşağıdakı “11-lik”lərlə çıxacaqlar:

Azərbaycan: 12. Şahruddin Məhəmmədəliyev, 4. Bəhlul Mustafazadə, 15. Rahil Məmmədov, 5. Anton Krivotsyuk, 3. Elvin Cəfərquliyev, 7. Coşqun Diniyev, 8. Emin Mahmudov, 17. Toral Bayramov, 20. Aleksey İsayev, 9. Renat Dadaşov, 11. Ramil Şeydayev

Ehtiyat oyunçular: 1. Səlahət Ağayev, 23. Yusif İmanov, 2. Yusif Nəbiyev, 6. Höccət Haqverdi, 10. Mahir Emreli, 13. Emil Səfərov, 14. Elvin Bədəlov, 16. Elvin Camalov, 18. Rüstəm Əhmədzadə, 19. Filip Ozobiç, 21. Qismət Alıyev, 22. Musa Qurbanlı

Baş məşqçi: Canni De Byazi

Belçika: 12. Koen Kastels, 4. Vout Fas, 5. Yan Vertongen, 3. Artur Teat, 21. Timoti Kastan, 6. Amadou Onana, 8. Yuri Tilemans, 11. Leandro Trossard, 10. Yannik Karrasko, 19. Yohan Bakayoko, 9. Romelu Lukaku

Ehtiyat oyunçular: 1. Tomas Kaminski, 13. Mats Sels, 2. Zeno Debast, 7. Ceremi Doku, 14. Dodi Lukebakio, 15. Olivye Deman, 16. Amin əl-Dahil, 17. Şarl de Ketelar, 18. Orel Manqala, 20. Lois Openda, 22. Uqo Siqet, 23. Mişi Batşuayi

Baş məşqçi: Domeniko Tedesko

Qeyd edək ki, bu gün “Dalğa Arena”da oynanılacaq qarşılaşma saat 17:00-da başlayacaq.