Belçika millisinin Azərbaycan yığması ilə oyun üçün heyəti açıqlanıb

Belçika yığmasının Azərbaycan və Estoniyaya qarşı keçirəcəyi AVRO-2024-ün seçmə mərhələ oyunları üçün heyəti bəlli olub.

"QELEBE.AZ" xəbər verir ki, millinin baş məşqçisi Domeniko Tedesko bu qarşılaşmalar üçün 24 oyunçuya dəvət göndərib.

Belçika komandasının heyəti: Amen Əl-Dahil, Arnaud Bodart, Olivye Deman, Tomas Kaminski, Orel Manqala, Mats Sels, Yuri Tilemans, Yohan Bakayoko, Yannik Karrasko, Şarl de Ketelare, Jeremi Doku, Romelu Lukaku, Amadou Onana, Uqo Siqe, Leandro Trossard, Mişi Batşuayi, Timoti Kastan, Zeno Debast, Vout Faes, Dodi Lukebakio, Lois Openda, Artur Teat, Yan Vertongen, Kun Kastels.

Qeyd edək ki, sentyabrın 9-da Azərbaycan millisinin qonağı olacaq Belçika yığması üç gün sonra doğma meydanda Estoniyanı qəbul edəcək.