Xədicə Qədəşova: "Azərbaycanın tarixinə düşdüyüm üçün şadam"

"Şadam ki, Azərbaycan tarixində ilk qızıl medal qazanan qadın cüdoçu oldum".

Bunu "Report"un Zaqrebə ezam olunmuş əməkdaşına açıqlamasında Xorvatiyadakı dünya çempionatında qızıl medal qazanan Xədicə Qədəşova deyib.

52 kq çəki dərəcəsində mübarizə aparan idmançı bugünkü mübarizənin çox ağır keçdiyini bildirib.

Qədəşova bir neçə görüşünün çətin alındığını diqqətə çatdırıb.