"Sabah"ın prezidenti Azərbaycan millisinin sabiq futbolçusu ilə görüşüb

"Sabah" klubunun prezidenti Maqsud Adıgözəlov Serbiyanın paytaxtı Belqradda Azərbaycan millisinin sabiq futbolçusu Branimir Subaşiçlə görüşüb.

"Report" paytaxt təmsilçisinin rəsmi feysbuk səhifəsinə istinadən xəbər verir ki, sabiq hücumçuya komandanın 10 nömrəli forması hədiyyə edilib.

Subaşiç "Partizan"a qarşı UEFA Konfrans Liqasının III təsnifat mərhələsinin cavab oyununda "Sabah"a uğurlar arzulayıb.

Qeyd edək ki, matç bu gün, Bakı vaxtı ilə saat 23:00-da başlayacaq. İlk görüşdə "bayquşlar" 2:0 hesabı ilə qalib gəliblər.