Universiadaya hazırlıqla bağlı federasiya nümayəndələri ilə görüş keçirilib

Çinin Çenqdu şəhərində təşkil olunacaq XXXI Ümumdünya Yay Universiadasına Azərbaycan nümayəndə heyətinin hazırlığı ilə bağlı görüş keçirilib.

“QELEBE.AZ” xəbər verir ki, tədbir federasiya nümayəndələrinin iştirakı ilə Gənclər və İdman Nazirliyində Gənclər və İdman Nazirliyində baş tutub.

Gənclər və İdman Nazirliyinin İdman şöbəsinin müdir müavini, nümayəndə heyətinin rəhbəri Nicat Həsənov görüşdə Azərbaycan idmançılarının oyunlarda iştirakı üçün görülən işlər barədə, eləcə də, tibb, nəqliyyat, yarışların keçiriləcəyi məkanlar, akkreditasiya, idmançıların qeydiyyatı, yerləşdirilməsi və digər məsələlərlə bağlı məlumat verib.

Qeyd edək ki, Universiada 28 iyul - 8 avqustda təşkil olunacaq. Azərbaycan 16 idman növü üzrə ümumilikdə 88 idmançı ilə təmsil olunacaq.