Ermənistan klubu Çempionlar Liqası ilə elə birinci mərhələdə vidalaşıb

Çempionlar Liqasının birinci mərhələsində Bosniya və Herseqovina “Zrinski” komandası cavab matçında Ermənistanın “Urartu”sunu qəbul edib.

“Report” xəbər verir ki, cütlüyün taleyi penalti seriyasında bəlli olub.

Belə ki, oyunun əsas vaxtı 3 qol, əlavə edilmiş 30 dəqiqə isə 2 qolla yadda qalıb. Gərgin keçən 120 dəqiqənin nəticəsində Ermənistan təmsilçisinin hesabdakı üstünlüyünə baxmayaraq, bu onlara mərhələ adlamağa imkan verməyib (birinci matçı Balkan təmsilçisi 0:1 hesabı ilə udub) və oyun penalti seriyasına qalıb. 11 metrlik zərbələrdən isə Bosniya və Herseqovinanın komandasının oyunçuları qalib ayrılıb – 4:3.

Beləliklə, Ermənistanın Çempionlar Liqasındakı təmsilçisi mübarizəni Konfrans Liqasında davam etdirəcək.