“Bavariya” gürcüstanlı qolkiperi heyətinə qatmaq istəyir

“Valensiya”nın qapıçısı Georgi Mamardaşvili karyerasını Almaniyada davam etdirə bilər.

QELEBE.AZ saytının məlumatına görə, gürcüstanlı qolkiper “Bavariya”nın transfer siyahısında yer alıb.

Münhenlilər 22 yaşlı əlcək sahibini bu yay heyətinə qatmaq istəyir. Mamardaşvili İngiltərə və İtaliya klublarının da maraq dairəsindədir.

Qeyd edək ki, qapıçının “Valensiya” ilə müqaviləsi 2027-ci ilin yayında başa çatacaq. Onun anlaşmasında sərbəst qalma məbləği 100 milyon avrodur.