Obameyanq "Çelsi"yə keçib
https://qelebe.az//uploads/photo/obameyanq-chelsiye-kechib.webp
Pyer-Emerik Obameyanq İspaniyanın "Barselona" futbol klubundan İngiltərənin "Çelsi" komandasına keçidini rəsmiləşdirib.
"QELEBE.AZ" xəbər verir ki, 33 yaşlı qabonlu ilə 2 illik müqavilə imzalanıb.
Kataloniya klubu rəsmi saytında London klubunun futbolçu üçün 12 milyon avro ödədiyini açıqlayıb. O, ötən mövsüm “Barsa”nın heyətində 23 oyunda 13 qol vurub.
Xatırladaq ki, futbolçu 6 ay sonra İngiltərə Premyer Liqasına qayıdıb. O, 2018-ci ildən 2022-ci ilin yanvarına qədər "Arsenal"da çıxış edib.
