“Zirə” braziliyalı müdafiəçini heyətinə qatıb

“Zirə” braziliyalı futbolçu Ruan Renatonu heyətinə qatıb.

“Report”un əldə etdiyi məlumata görə, 29 yaşlı müdafiəçi Bakı klubu ilə 2 illik müqavilə imzalayıb.

Son iki mövsümü “Qəbələ”də keçirən Renato “qırmızı-qaralar”ın yeni sözləşmə təklifini qəbul etməmişdi. O, əvəzində “Zirə”nin şərtləri ilə razılaşıb. Qəsəbə təmsilçisi tezliklə bu keçidi açıqlayacaq.

Qeyd edək ki, Ruan Renato ötən mövsüm “Qəbələ”nin heyətində Azərbaycan Kubokunu qazanıb. O, Premyer Liqada keçirdiyi 33 oyunda aktivinə 2 qol yazdırıb.