İtaliya futbolunun əfsanəvi futbolçusu Sandro Mazzola 83 yaşında vəfat edib.
QELEBE.AZ xəbər verir ki, Mazzola karyerasının tamamını “İnter”də keçirib.
O, 1961-1977-ci illərdə Milan klubunun formasını geyinib və 565 rəsmi oyunda 161 qol vurub.
Mazzola “İnter”lə 4 dəfə İtaliya çempionu, 2 dəfə Avropa Kuboku və 2 dəfə Qitələrarası Kubokun qalibi olub. 1965-ci ildə A Seriyasının bombardiri adını qazanıb.
İtaliya millisində 70 oyun keçirən Mazzola 1968-ci ildə Avropa çempionu olub. O, 1970-ci il dünya çempionatında finala yüksələn yığmanın heyətində də yer alıb.
Qeyd edək ki, Mazzola 1971-ci ildə “Qızıl top” səsverməsində ikinci olub. O, “Grande Torino”nun əfsanəsi Valentino Mazzolanın oğlu idi. Futbolçu karyerasını başa vurduqdan sonra da “İnter”də rəhbər vəzifələrdə çalışıb.