UEFA Maliyyə Feyr Pleyi ilə bağlı yeni plan hazırlayıb

Maliyyə Feyr Pleyi (FFP) ilə bağlı UEFA yeni plan hazırlayıb.

QELEBE.AZ-ın məlumatına görə, Avropanın ali futbol qurumu layihəni bu mövsümdən etibarən tətbiq etməyə hazırlaşır.

UEFA-nın yeni tələblərinə görə, klublar gəlirlərin yalnız 90 faizini məvacib və transferlərə xərcləyə bilərlər. Növbəti ildə bu rəqəm 80 faizə, 2025-ci ildən isə 70 faizə endiriləcək.

UEFA yeni layihəni Avropa İttifqı ilə razılaşdırıb. Növbəti mərhələdə Avropa Klubları Assosiasiyası ilə anlaşma əldə olunması üçün danışıqlar aparılacaq.

Qeyd edək ki, UEFA-nın məqsədi klubların arasında maliyyə uçurumunu aradan qaldırmaq və transfer bazarında tarazlığı qorumaqdır.