İspaniya La Liqasına yüksələn iki komanda müəyyənləşib

İspaniya La Liqasına yüksələn iki komanda müəyyənləşib.

“QELEBE.AZ”un məlumatına görə, Sequndanın 42-ci turunda keçirilən oyunlardan sonra “Qranada” və “Las Palmas” elitaya vəsiqə qazanıblar.

“Qranada” son turda “Leqanes”i (2:0) üstələyərək, Sequndanın qalibi olub. “Alaves”lə qolsuz bərabərə qalan “Las Palmas” isə mövsümü ikinci pillədə başa vurub.

Elitaya yüksələcək üçüncü kollektivi müəyyənləşdirmək üçün “Levante”, “Alaves”, “Eybar” və “Albasete” arasında iyunun əvvəllərində pley-off görüşləri keçiriləcək.