İngiltərə nəhəngləri "Gent"in hücumçusunu transfer etmək istəyir

Belçikanın "Gent" klubunun futbolçusu Gift Emmanuel Orban karyerasını İngiltərədə davam etdirə bilər.

"QELEBE.AZ" "Evening Standard" nəşrinə istinadən xəbər verir ki, 21 yaşlı hücumçu ilə "Mançester Yunayted", "Çelsİ", "Tottenhem" və "Fulhem" maraqlanır.

Klublar artıq nigeriyalı oyunçunu izləmək üçün öz skautlarını da göndəriblər. Belçika təmsilçisi Orban üçün böyük məbləğ tələb edəcək.

Qeyd edək ki, Gift Emmanuel Orban cari mövsüm 19 oyunda 19 qol və 2 məhsuldar ötürmə ilə yadda qalıb. Onun müqaviləsi 2027-ci ilin yayınadək qüvvədədir. Forvard evdə "Qarabağ"a 1:0 hesabı ilə qalib gəldikləri UEFA Konfrans Liqasının pley-off mərhələsinin cavab matçında komandasının yeganə qoluna imza atmışdı. İlk görüşdə eyni hesabla yenilən meydan sahibləri penaltilər seriyasının ardından mərhələ adlayan tərəf olub.