Azərbaycan millisi yoldaşlıq görüşü üçün rəqib axtarır
https://qelebe.az//uploads/photo/azerbaycan-millisi-yoldashliq-gorushu-uchun-reqib-axtarir.webp
Futbol üzrə Azərbaycan millisi iyunda yoldaşlıq görüşü keçirmək üçün rəqib axtarır.
Bu barədə “QELEBE.AZ”a AFFA-nın Mətbuat və İctimaiyyətlə Əlaqələr Departamentinin rəhbəri Firuz Abdulla məlumat verib.
Milli assosiasiya rəsmisi bildirib ki, məsələ ilə bağlı müxtəlif federasiyalarla danışıqlar aparılır: “Amma hələlik yekun qərar yoxdur”.
Qeyd edək ki, AVRO-2024-ün seçmə mərhələsinin F qrupunda yer alan Azərbaycan millisi iyunun 17-də Estoniya seçməsini “Dalğa Arena”da qəbul edəcək.
