Heydər Əliyevin 100 illiyinə həsr olunan beynəlxalq basketbol turnirinin açılış mərasimi keçirilib

Ümummilli Lider Heydər Əliyevin 100 illik yubileyinə həsr olunmuş beynəlxalq basketbol turnirinin açılış mərasimi keçirilib.

Azərbaycan Basketbol Federasiyasından (ABF) “Report”a verilən məlumata görə, tədbir qurumun, həmçinin, Elm və Təhsil Nazirliyinin birgə təşkilatçılığı ilə “Sərhədçi” İdman Mərkəzində baş tutub.

Açılış mərasiminin ardından ADBTİA (Azərbaycan) və ATDU (Gürcüstan) tələbələri arasında oyun keçirilib. Turnirin qrup mərhələsinin ilk tur görüşündə azərbaycanlı tələbələr 80:69 hesabı ilə qalib gəliblər.

Birinci turun digər oyunlarında aşağıdakı nəticələr qeydə alınıb:

LDU (Rusiya) - SDU (Türkiyə) – 121:53

ÖBDİU (Özbəkistan) - YKQDU (Belarus) – 65:70

AzTU (Azərbaycan) - TTK (Türkmənistan) – 74:73

Qeyd edək ki, mayın 15-də keçiriləcək beynəlxalq turnirin final matçı saat 14:30-da start götürəcək.