KİV: “Nagelsmann “Çelsi”ni çalışdırmaqdan imtina edib”

Almaniyalı mütəxəssis Yulian Nagelsmann namizədlər arasında belçikalı Vensan Kompaninin də olduğu növbəti mövsüm “Çelsi”nin baş məşqçisi olmaq fürsətindən imtina edib.

“QELEBE.AZ” xəbər verir ki, bu barədə “The Times” məlumat yayıb.

Martda “Bavariya”dan ayrılan Nagelsmann bu posta əsas namizəd deyildi. Onun barəsində aparılan hərtərəfli yoxlamanın ciddi suallar yaratdığı qeyd edilib. Nəticədə 35 yaşlı çalışdırıcı London klubunun rəhbərliyi ilə danışıqları davam etdirməkdən imtina edib.

Qeyd edək ki, aprelin əvvəlindən mövsümün sonunadək “Çelsi”yə Frenk Lempard başçılıq edir. O bu postda Qrem Potteri əvəzləyib. London klubu Çempionlar Liqasının 1/4 finalında “Real Madrid”lə hər iki görüş də daxil olmaqla, yeni baş məşqçinin rəhbərlik etdiyi dörd oyunun hamısında məğlub olub.