Dünya çempionatında iştirak edəcək Azərbaycan cüdoçuları bəlli olub

Dünya çempionatında iştirak edəcək Azərbaycan cüdoçularının adları açıqlanıb.

Apasport.az saytının məlumatına görə, mayın 7-17-də Qatarın paytaxtı Dohada keçiriləcək mundialda yığmamız 9 çəki dərəsində 9 kişi və 4 qadın ilə təmsil olunacaq.

Məşqçilər korpusu yarışda Leyla Əliyeva, Könül Əliyeva (hər ikisi 48 kq), Gültac Məmmədəliyeva, Aydan Əliyeva (hər ikisi 52 kq), Balabəy Ağayev, Turan Bayramov (60 kq), Orxan Səfərov (66 kq),
Hidayət Heydərov (73 kq), Səid Mollayi (81 kq), Məmmədəli Mehdiyev, Murad Fətiyev (hər ikisi 90 kq), Zelim Kotsoyev (100 kq) və Uşanqi Kokauriyə (+100 kq) şans verəcək.

Təcrübəli cüdoçularımızdan Rüstəm Orucov (73 kq) heyətə daxil edilməyib.