Ronaldunun komandası baş məşqçisi ilə vidalaşıb

Səudiyyə Ərəbistanının "Əl-Nəsr" komandasının baş məşqçisi Rudi Qarsiya istefaya göndərilib.

"QELEBE.AZ" klubun rəsmi saytına istinadən xəbər verir ki, fransalı mütəxəssislə müqavilə qarşılıqlı razılıq əsasında pozulub.

İddiaya görə, 59 yaşlı çalışdırıcının göndərilməsinə komandanın lideri Kriştianu Ronaldu ilə arasındakı fikir ayrılıqları səbəb olub.

Qeyd edək ki, Rudi Qarsiya ötən ilin yayından "Əl-Nəsr"ə rəhbərlik edirdi. Kollektiv ölkə çempionatında 23 turdan sonra 53 xalla turnir cədvəlinin 2-ci pilləsində qərarlaşıb.