Rafiq Hüseynov: "Onlar güləşdən başı çıxmayanlar, ya da paxıllıq edənlərdir"

"Hazırkı yunan-Roma millisini tarixin ən yaxşısı saymayanlar güləşdən başı çıxmayanlardır, ya da paxıllıq edirlər".

Bunu "Report"a açıqlamasında Azərbaycanın yunan-Roma güləşçisi Rafiq Hüseynov komanda yoldaşı Eldəniz Əzizlinin sosial şəbəkə hesabında paylaşdığı posta münasibət bildirənlərlə bağlı danışarkən deyib.

82 kq çəki dərəcəsində çıxış edən idmançı Eldəniz Əzizli ilə razı olduğunu bildirib: "Çünki tarixdə elə bir milli yoxdur ki, bir il ərzində həm Avropa çempionu olsun, həm də dünya çempionatında gümüş medal qazansın. Komandanın bütün üzvləri Avropa və dünya arenasında nəticə veriblər. Sıradan idmançılar deyillər. Buna görə Eldənizlə tamamilə razıyam".

Qeyd edək ki, Eldəniz Əzizli daha əvvəl feysbukda hazırkı yığmanın bu növdə ölkə tarixinin ən yaxşı komandası olduğunu yazıb.