Konfrans Liqası: 1/4 finala yüksələn növbəti komanda bəlli olub

UEFA Konfrans Liqasında 1/4 final mərhələsinə yüksələn növbəti komanda bəlli olub.

"QELEBE.AZ"un məlumatına görə, 1/8 finalın cavab oyununda Slovakiyada "Slovan"a qalib gələn İsveçrə "Bazel"i adını növbəti raunda yazdırıb.

Görüşün əsas vaxtı 2:2 hesabı ilə başa çatıb. İlk matçda da eyni hesab qeydə alındığı üçün əlavə vaxt oynanılıb. Burada da tarazlıq pozulmadığından penaltilər seriyasına keçilib. 11 metrlik cərimə zərbələrini daha dəqiq (4:1) yerinə yetirən qonaqlar mərhələ adlayıblar.

Qeyd edək ki, daha əvvəl Belçikanın "Gent", İtaliyanın "Fiorentina" və Polşanın "Lex" komandaları 1/4 finala vəsiqə qazanıblar.

UEFA Konfrans Liqasında 1/4 final mərhələsinin daha 2 iştirakçısı bəlli olub.

"QELEBE.AZ"un məlumatına görə, Türkiyə təmsilçisi "Sivasspor" evdə İtaliyanın "Fiorentina" klubuna 1:4 hesabı ilə uduzaraq avrokuboklarla vidalaşıb. Qonaqlar isə adını növbəti mərhələyə yazdırıb.

"Fiorentina"dan başqa, Polşanın "Lex" komandası da 1/4 finala yüksəlib.

Slovakiyada "Slovan" və İsveçrə "Bazel"i arasında keçirilən matçda isə ümumi hesab bərabər olduğundan əlavə vaxt oynanılır.

UEFA Konfrans Liqası
1/8 final, cavab oyunları
16 mart

21:45. "Sivasspor" (Türkiyə) - "Fiorentina" (İtaliya) - 1:4
Qollar: Erdoğan Yeşilyurt, 35 - Artur Kabral, 44. Nikola Milenkoviç, 62. Dimitrios Qutas, 78 (avtoqol). Qaetano Castrovilli, 89
Qırmızı vərəqə: Hakan Arslan, 81 ("Sivasspor")
İlk oyun - 0:1

21:45. "Yurqorden" (İsveç) - "Lex" (Polşa) - 0:3
Qollar: Filip Marxvinski, 77. Nika Kvekveskiri, 90+1. Mixal Skuras,90+2
Qırmızı vərəqə: Markus Danielsson, 44 ("Yurqorden")
İlk oyun - 0:2

21:45. "Slovan" (Slovakiya) - "Bazel" (İsveçrə) - 2:2 (PENALTİLƏRDƏ - 1:4)
Qollar: Malik Abubakari, 11. Yuray Kuçka, 17 - Rikkardo Kalafyori, 53. Zeki Amduni, 90+3
İlk oyun - 2:2

00:00. “Nitsa” (Fransa) - “Şerif” (Moldova)
İlk oyun - 1:0

00:00. “Vest Hem” (İngiltərə) - AEK (Larnaka, Kipr)
İlk oyun - 2:0

00:00. “Vilyarreal” (İspaniya) - “Anderlext” (Belçika)
İlk oyun - 1:1

00:00. "AZ Alkmaar" (Niderland) - "Latsio" (İtaliya)
İlk oyun - 2:1

Qeyd edək ki, daha əvvəl Belçika "Gent"i adını 1/4 finala yazdırıb.