Ralf Ranqnik Azərbaycan millisi ilə oyun ərəfəsində narazılıq bildirib

Avstriya yığmasının baş məşqçisi Ralf Ranqnik AVRO-2024-ün seçmə mərhələsində Azərbaycan və Estoniya millilərinə qarşı keçiriləcək oyun ərəfəsində narazılıq bildirib.

“QELEBE.AZ” xəbər verir ki, almaniyalı mütəxəssis zədəli futbolçuların çoxluğundan gileylənib.

Onun fikrincə, bütün bunlar seçmə mərhələnin ilk matçlarında komandalarına mənfi təsir göstərə bilər: “Kapitan David Alabanın bu görüşlərdə iştirak şansı çox azdır. Hücumçu Marko Arnautoviç sağalsa da, Azərbaycanla qarşılaşmaya qədər yüz faiz hazır olmayacaq. Müdafiəçi Filipp Lienhartın durumu qeyri-müəyyəndirsə, yarımmüdafiəçi Ksaver Şlaqer ilk rəsmi oyunları buraxacaq. Vəziyyətin bu həddə çatması bizi narahat etməyə bilməz”.

Qeyd edək ki, Avstriya yığması martın 24-də Azərbaycan, 27-də isə Estoniya millisini Linz şəhərində qəbul edəcək.