Ceyms Milner İngiltərə Premyer Liqasının tarixinə düşüb

"Brayton"un yarımmüdafiəçisi Ceyms Milner İngiltərə Premyer Liqasının tarixinə düşüb.

QELEBE.AZ xəbər verir ki, İngiltərə millisinin sabiq üzvü çempionatda ən oyun oyun keçirən futbolçu olub.

Milner tarixi uğura 27-ci turun "Brentford" səfər matçında nail olub. 40 yaşlı orta xətt oyunçusu turnirdə 654-cü oyununa çıxıb. O, 653 qarşılaşmada iştirak edən Qaret Berrini qabaqlayıb. 3-cü yerdə isə 632 oyunla Rayan Giqqsdir.

Ceyms Milner Premyer Liqada 2002-ci ildə "Lids Yunayted"in heyətində 16 yaşı olarkən debüt edib. Təcrübəli yarımmüdafiəçi bu komanda ilə elitada 48 görüşdə meydanda olub. Milner digər matçları "Nyukasl" (94), "Aston Villa" (100), "Mançester Siti" (147), "Liverpul" (230) və "Brayton"da (35) keçirib.