İkardidən yeni rekord - HACİNİ GERİDƏ QOYDU

Türkiyə Super Liqasının XVII turu çərçivəsində “Qalatasaray” öz meydanında “Kasımpaşa” ilə qarşılaşıb.

QELEBE.AZ xəbər verir ki, görüş “sarı-qırmızılılar”ın 3:0 hesablı qələbəsi ilə başa çatıb.

İstanbul təmsilçisinin heyətində sonuncu qolun müəllifi olan Mauro İkardi klub tarixində əlamətdar göstəriciyə imza atıb.

Belə ki, 32 yaşlı hücumçu Super Liqada vurduğu 60-cı qolla Corc Hacini geridə qoyaraq “Qalatasaray” tarixində daxili çempionatlarda ən çox qol vuran əcnəbi futbolçu adını qazanıb.

Qeyd edək ki, İkardi 2022-ci ildən “Qalatasaray”da çıxış edir.