Premyer Liqa klublarının uşaq-gənclər sektoruna ayırdığı vəsait artıb

Misli Premyer Liqasında çıxış edən klubların uşaq-gənclər sektoruna ayırdığı maliyyə vəsaitində artım qeydə alınıb.

QELEBE.AZ xəbər verir ki, bu barədə AFFA məlumat yayıb.

Açıqlanan statistik göstəricilərə əsasən, 2023/2024 mövsümündə Premyer Liqa klubları bu sahəyə ümumilikdə 5 milyon 811 min 726 manat vəsait ayırıb. 2024/2025 mövsümündə isə bu rəqəm 6 milyon 622 min 262 manata yüksəlib.

Beləliklə, yeni mövsümdə uşaq-gənclər sektoruna ayrılan maliyyə vəsaiti əvvəlki mövsümlə müqayisədə təxminən 810 min manat artıb.