Bakıda 2026-cı ildə U-17 Dünya güləş çempionatı keçiriləcək

Dünya Güləş Birliyi (UWW) 2026-cı ildə dünya və qitə güləş çempionatının keçiriləcəyi şəhərləri açıqlayıb.

Apasport.az xəbər verir ki, əsas qərarlardan biri 17 yaşadək güləşçilər arasında dünya çempionatının Bakıda keçirilməsi olub.

Yarışlar 2026-cı il iyulun 27-dən avqustun 2-dək keçiriləcək. Bu, Azərbaycanın paytaxtında güləş üzrə keçiriləcək növbəti böyük turnir olacaq: Daha əvvəl paytaxtımızda yunan-Roma güləşi üzrə Dünya Kuboku (2022) və Avropa Olimpiya Təsnifat Turniri (2024) keçirilib.