“Qarabağ”ın rəqibi Bakıya bu gün çarter reysi ilə gələcək

“Qarabağ”ın UEFA Çempionlar Liqasının II təsnifat mərhələsindəki rəqibi “Şelburn” (İrlandiya) Bakıya bu gün çarter reysi ilə gələcək.

Bunu “QELEBE.AZ”a açıqlamasında Ağdam klubunun mətbuat katibi Anar Hacıyev deyib.

İrlandiya təmsilçisini oyunda 100-dək azarkeşin dəstəkləyəcəyi gözlənilir.

Qeyd edək ki, “Qarabağ” - “Şelburn” matçı iyulun 30-da Tofiq Bəhramov adına Respublika stadionunda, saat 20:00-da start götürəcək. Dublində baş tutan ilk oyun "Qarabağ"ın 3:0 hesablı qələbəsi ilə yekunlaşıb.