Renat Dadaşovun yeni klubu müəyyənləşib

Azərbaycan millisinin hücumçusu Renat Dadaşovun yeni klubu müəyyənləşib.

"QELEBE.AZ" xəbər verir ki, futbolçu Polşanın "Motor" komandası ilə anlaşıb.

26 yaşlı ön xətt oyunçusu ilə sonradan uzatmaq şərtilə 1 illik müqavilə imzalanıb.

Futbolçu Lyublin təmsilçisinin rəsmi saytına açıqlamasında yeni mövsümün başlamasını səbirsizliklə gözlədiyini deyib:

"Motor"a qoşulduğum üçün çox şadam. Yeni mövsümün startını səbirsizliklə gözləyirəm. Ümid edirəm ki, bizim üçün çox uğurlu olacaq. Bazar günü baş tutacaq matçı səbirsizliklə gözləyirəm".

Qeyd edək ki, R.Dadaşov son mövsümü Polşanın digər klubu "Radomyak"da keçirib.